कर्ज होऊ नये डोईजड; कार लोन घेण्यापूर्वी महत्वाच्या गोष्टी घ्या जाणून !

पुणे: सणासुदीच्या काळात कार कंपन्या ग्राहकांना आकर्षित करण्यासाठी अनेक ऑफर्स आणत आहेत. अशा वेळी अनेक ग्राहक त्यांच्या स्वप्नातील कार खरेदी करण्यासाठी कर्ज घेण्यास मागेपुढे पाहत नाहीत. मात्र, इथेच ते गोत्यात येण्याची शक्यता असते.

 दिवाळीत आपल्या घरात नवीन कार असावी अशी प्रत्येकाची इच्छा असते. ती पूर्ण करण्यासाठी लोक विविध प्रकारचे आर्थिक नियोजन करतात. तुम्हीही दिवाळीला नवीन कारसाठी कर्ज घेणार असाल तर तुम्हाला काही गोष्टी माहित असणे आवश्यक आहे.  अनेकदा कार खरेदी करताना लोक छोट्या-छोट्या चुका करतात, ज्यामुळे त्यांना नंतर अनेक समस्यांना सामोरे जावे लागू शकते.

 सवलती आणि ऑफरने देऊन, वाहन डीलर्स सध्याच्या सणाच्या हंगामाचा जास्तीत जास्त फायदा घेण्याचा प्रयत्न करत आहेत. वाहन मार्केट मधील सूत्रांच्याच्या मते, चारचाकी वाहनांची मागणी वाढली आहे.  विशेष म्हणजे एंट्री-लेव्हल चारचाकी वाहनांपेक्षा प्रीमियम कारसाठी अधिक मागणी आहे. येथे आम्ही तुम्हाला कारसाठी कर्ज घेताना होणाऱ्या काही सामान्य चुका सांगत आहोत ज्या तुम्ही या सणासुदीच्या काळात टाळल्या पाहिजेत.

 कमी ईएमआय आणि दीर्घ मुदतीचे कर्ज टाळा

 एकूण खर्चावर होणारा परिणाम समजून न घेता कार खरेदी करण्यापूर्वी त्यांची ईएमआय रक्कम कमी करण्यासाठी बहुतेक कर्जदार दीर्घ कालावधीचे कर्ज घेण्याला प्राधान्य देतात. कर्ज दीर्घ मुदतीचे असल्यास मासिक ईएमआय कमी होईल असे अनेकांना वाटते.  पण लक्षात ठेवा, हा सौदा तुलनेत अधिक नुकसान करेल. यामुळे तुम्हाला कर्जापोटी जास्त पैसे द्यावे लागतील. एकूण व्याजाची रक्कमही जास्त असण्याची शक्यता आहे.

 शून्य डाउन पेमेंट कितपत योग्य आहे ?

 कर्ज घेताना लोकांची आणखी एक सामान्य चूक म्हणजे किमान डाउन पेमेंट निवडणे.  त्यामुळे सुरवातीला कार खरेदी करताना तुम्हाला काहीही पैसे द्यावे लागणार नाहीत, परंतु त्यासाठी तुम्हाला मोठी किंमत मोजावी लागेल. जेव्हा तुम्हाला कोणतेही पैसे भरावे लागत नाहीत, तेव्हा कर्जाची रक्कम खूप जास्त होते. जवळजवळ वाहनाच्या किमतीएवढी असते. याचा अर्थ तुम्हाला जास्त व्याज देखील द्यावे लागेल.

जर तुम्ही कार खरेदी करणार असाल तर काही पैशांची आगाऊ व्यवस्था करणे चांगले.  तुमच्याकडे अतिरिक्त बचत असल्यास, कार खरेदी करण्यासाठी त्याचा वापर करा आणि उर्वरित कर्जाची रक्कम डाउन पेमेंटवर ठेवा.

क्रेडिट स्कोअरचे  काय आहे महत्त्व ?

 अनेक ग्राहकांना हे माहीत नसते की कार कर्जावरील व्याजदराचा त्यांच्या क्रेडिट स्कोअरवर परिणाम होतो. कमी क्रेडिट स्कोअर असलेल्या ग्राहकांना बँका जास्त व्याजदर आकारतात. अशा ग्राहकांकडे फारसा पर्याय नसतो आणि त्यांना कार कर्ज देण्यास तयार असलेल्या बँकेकडूनच कर्ज घेतात. म्हणूनच तुम्हाला मिळणारे कर्जाचे दर वाजवी आहेत याची खात्री करण्यासाठी तुम्ही तुमच्या क्रेडिट स्कोअरवर नेहमी लक्ष ठेवावे.

 बजेटची मर्यादा ओलांडू नका

 वाहन खरेदी करताना  नेहमी सामान्य नियम पाळायला हवेत. तुम्हाला काय खरेदी करायचे आहे ते स्पष्ट असावे.  उदाहरणार्थ, जर तुम्ही एसयूव्ही शोधत असाल तर तुम्ही त्यानुसार तुमचे बजेट मॅनेज केले पाहिजे. जर एखाद्या डीलरने तुम्हाला कोणती कार हवी आहे असे विचारले तर तुम्ही त्याबद्दल स्पष्टपणे सांगावे. हे तुम्हाला एक चांगला सौदा मिळविण्यात मदत करू शकते.

देखभाल योजनेवरही लक्ष ठेवा

 काही डीलर्स तुम्हाला कारबद्दल माहिती न देता महाग किंवा उच्च देखभाल असणारी कार विकण्याचा प्रयत्न करू शकतात. हे टाळा.  तुम्हाला चांगली डील हवी असल्यास, डीलरला देखभालीसाठी विचारा जेणेकरून तुमची कार सुरळीत चालू ठेवण्यासाठी किती खर्च येईल हे तुम्हाला कळेल. काहीही खरेदी करण्यापूर्वी विक्रीच्या अटी व शर्ती आवर्जून वाचा.