केंद्रीय विद्यालयात 13404 पदांसाठी भरती प्रक्रिया सुरू. प्राथमिक, माध्यमिक, उच्चमाध्यमिक शिक्षकासह अनेक शिक्षकेत्तर पदे.

नवी दिल्ली: केंद्रीय विद्यालयांमध्ये अध्यापन (PRT PGT TGT) आणि अनेक शिक्षकेतर पदांच्या 13000 हून अधिक रिक्त जागांसाठो  भरती प्रक्रीया अर्ज प्रक्रिया सोमवार ( 5 डिसेंबर ) पासून सुरू झाली आहे.  उमेदवार 26 डिसेंबर 2022 पर्यंत ऑनलाइन पद्धतीने अर्ज करू शकतात.

शिक्षकाच्या सरकारी नोकरीच्या शोधात असलेल्या इच्छुकांसाठी महत्त्वाचे अपडेट हाती आले आहेत.  केंद्रीय शिक्षण मंत्रालयाच्या अखत्यारीत केंद्रीय विद्यालय संघटन (KVS) अंतर्गत देशभरातील विविध केंद्रीय विद्यालयांमध्ये शिक्षक आणि शिक्षकेतर पदांसाठी भरती प्रक्रिया पाच डिसेंबरपासून सुरू झाली आहे. इच्छुक उमेदवार 26 डिसेंबरपर्यंत संस्थेच्या अधिकृत वेबसाइट kvsangathan.nic.in वर प्रदान केलेल्या ऑनलाइन लिंकवरून अर्ज करू शकतात.  KVS ने 2 डिसेंबर रोजी प्रसिद्ध केलेल्या दोन भरती जाहिरातींनुसार (क्रमांक 15/2022 आणि 16/2022) एकूण 13404 प्राथमिक शिक्षक (PRT), पदव्युत्तर शिक्षक (PGT), प्रशिक्षित पदवीधर शिक्षक (TGT) आणि अनेक शिक्षकेत्तर पदे उपलब्ध आहेत.
अर्ज प्रक्रिया आणि शुल्क
उमेदवारांनी हे लक्षात घ्यावे की अर्ज प्रक्रियेअंतर्गत त्यांना प्रथम ऑनलाइन अर्ज पृष्ठावर त्यांच्या वैयक्तिक तपशीलाद्वारे (ईमेल, मोबाइल नंबर इ.) नोंदणी (साइन-अप) करावी लागेल. त्यानंतर नोंदणीकृत तपशीलाद्वारे लॉग इन करावे लागेल. असे केल्याने, उमेदवार संबंधित पदांसाठी त्यांचे अर्ज सादर करण्यास सक्षम असतील.  अर्जादरम्यान, ऑनलाइन माध्यमातून शिकवण्याच्या (PRT, TGT, PGT) पदांसाठी 1500 रुपये शुल्क भरावे लागेल. अनेक अशैक्षणिक पदांसाठी, शुल्क 1200 रुपये किंवा 1500 रुपये किंवा 2300 रुपये आहे.
पदनिहाय रिक्त पदांची संख्या
◆प्राथमिक शिक्षक (पीआरटी) – 6414
◆प्राथमिक शिक्षक (संगीत) – 303
◆पदव्युत्तर शिक्षक (PGT) – 1409
◆प्रशिक्षित पदवीधर शिक्षक (PGT) – 3176
◆कनिष्ठ सचिवीय सहाय्यक – 702
◆स्टेनोग्राफर ग्रेड 2 – 54
◆वरिष्ठ सचिवीय सहाय्यक – 322
◆हिंदी अनुवादक – 11
◆सहाय्यक विभाग अधिकारी – 156
◆सहाय्यक अभियंता सिव्हिल – 2
◆वित्त अधिकारी – 6
◆ग्रंथपाल – 355
◆सहाय्यक आयुक्त – 52
◆प्राचार्य – 239
◆उपप्राचार्य – 203