एकेकाळी लिओनेल मेस्सी होता टाटा टियागोचा ब्रँड अँबेसेडर !

नवी दिल्ली: अर्जेंटिनाला फूटबॉलचा विश्वकप जिंकून देणारा लिओनेल मेस्सी सध्या चाहत्यांच्या गळ्यातील ताईत बनला आहे. भारतातील टाटा टियागोची ब्रँडिंग करण्यासाठी मेस्सीने एक जाहिरात शूट केली होती जी त्यावेळी खूप प्रसिद्ध होती. तथापि, मेस्सी टाटा टियागोचा ब्रँड अँबेसेडर फार काळ राहिला नाही. टाटा टियागो हे सध्या भारतातील प्रसिद्ध वाहनांपैकी एक आहे.
अर्जेंटिनाला हा विश्वचषक जिंकून लिओनेल मेस्सीने जगाला दाखवून दिले की तो ‘फुटबॉलचा देव’ आहे. सध्या त्याचीच चर्चा जगभर आहे. तुम्हाला माहीत आहे का मेस्सी काही वर्षांपूर्वी टाटा टियागोचा ब्रँड अँबेसेडर होता? 2016 मध्ये ही जाहिरात खूप प्रसिद्ध झाली होती.
2016 मध्ये झिका नावाचा विषाणू देशातील काही राज्यांमध्ये वेगाने पसरत होता. त्यावेळी टाटा टिओगाला टाटा झिका म्हणून प्रमोट केले जात होते. मात्र, झिका व्हायरसमुळे निर्माण झालेल्या जागतिक आणीबाणीमुळे कंपनीने या वाहनाचे नाव टाटा टियागो ठेवण्याचा निर्णय घेतला होता. त्यावेळी मेस्सीला या वाहनाचा जागतिक ब्रँड अॅम्बेसेडर बनवण्यात आले होते. टाटा टियागोचे अधिकृतपणे प्रतिनिधित्व करण्यासाठी मेस्सीने एक जाहिरात शूट केली होती, जी त्यावेळी खूप प्रसिद्ध होती. तथापि, मेस्सी टाटा टियागोचा ब्रँड अॅम्बेसेडर फार काळ राहिला नाही. पण आज जगभर त्याच्या नावाची चर्चा सुरू असताना अचानक त्याच्या जाहिरातींचे व्ह्यूज वाढू लागले आहेत.
कारचे नाव मुलाच्या नावावरून घेतले ?
मीडिया रिपोर्ट्सनुसार टाटा टियागो हे नाव मेस्सीचा मुलगा थियागो याच्या नावावरून घेण्यात आले आहे. मात्र, या प्रकरणात कितपत तथ्य आहे, याबाबत कोणतीही पुष्टी मिळालेली नाही.
टाटा टियागोची वैशिष्ट्ये
Tata Tiago भारतीय बाजारपेठेत दोन प्रकारात उपलब्ध आहे, ज्यात Tata Tiago XE आणि Tata Tiago XZ प्रकारांचा समावेश आहे. याची क्षमता 1.2 लीटर आहे, जी 86hp ची पॉवर जनरेट करते. इंजिन 5-स्पीड ऑटोमॅटिक गिअरबॉक्सशी जोडलेले आहे. हे एका लिटर पेट्रोलवर 23.84 किलोमीटर प्रति लिटर मायलेज देण्यास सक्षम आहे. Tata Tiago भारतीय बाजारपेठेत इतकी प्रसिद्ध झाली आहे की कंपनीने त्याचे CNG आणि EV व्हेरियंट देखील सादर केले आहेत. कमी किमतीच्या या वाहनाला आज देशात भरभरून प्रेम मिळत आहे.