सरकारने मोफत रेशन योजना डिसेंबरपर्यंत वाढवली, जाणून घ्या काय आहे कारण?  किती पैसे लागतील? 

केंद्र सरकारने कोरोना काळात सुरू करण्यात आलेल्या मोफत रेशन योजनेला आणखी तीन महिने म्हणजे डिसेंबर 2022 पर्यंत मुदतवाढ दिली आहे. मुदतवाढ दिल्याने सरकारी तिजोरीवर 44,762 कोटी रुपयांचा अतिरिक्त बोजा पडणार आहे.  या योजनेंतर्गत राष्ट्रीय अन्न सुरक्षा कायद्यांतर्गत (NFSA) समाविष्ट लाभार्थ्यांना दरमहा पाच किलो मोफत धान्य दिले जाते. आतापर्यंत, सरकारने प्रधानमंत्री गरीब कल्याण अन्न योजनेंतर्गत ( PMGKAY ) 1,003 मेट्रिक टन अन्नधान्य वितरित केले आहे. 

कोरोनाच्या काळात सुरू झालेल्या या योजनेच्या अंमलबजावणीवर सरकारने आतापर्यंत सहा टप्प्यांत अनुदान म्हणून 3.45 लाख कोटी रुपये खर्च केले आहेत. आता या योजनेला सातव्या टप्प्यासाठी मुदतवाढ दिल्याने या योजनेवर एकूण 3.91 लाख कोटी रुपये खर्च होण्याचा अंदाज आहे.

आतापर्यंत सहा टप्प्यांत गरिबांना मोफत धान्य वाटप करण्यात आले आहे. 

 देशात या योजनेअंतर्गत गेल्या 25 महिन्यांपासून गरिबांना मोफत रेशन दिले जात आहे. आता या योजनेचे सहा टप्पे पूर्ण झाले आहेत. आता या योजनेचा सातवा टप्पा सप्टेंबर 2022 ते डिसेंबर 2022 या कालावधीत राबविण्यात येणार आहे.  PMGKAY चा पहिला टप्पा आणि दुसरा टप्पा आठ महिन्यांचा होता. हा टप्पा एप्रिल 2020 ते नोव्हेंबर 2020 पर्यंत चालला. योजनेचा तिसरा आणि पाचवा टप्पा मे 2021 ते मार्च 2022 या 11 महिन्यांसाठी राबविण्यात आला. 

 PMGKAY चा सहावा टप्पा एप्रिल 2022 ते सप्टेंबर 2022 या सहा महिन्यांसाठी राबविण्यात आला. त्याच वेळी, या योजनेचा सातवा टप्पा ऑक्टोबर 2022 ते डिसेंबर 2022 या तीन महिन्यांसाठी राबविण्यात येणार आहे. 

 सरकारने जारी केलेल्या पत्रकात असे म्हटले आहे की देशातील सणांच्या काळात गरीब लोकांना मदत करण्यासाठी सरकारने ही योजना तीन महिन्यांनी वाढवण्याचा निर्णय घेतला आहे. देशात येत्या काही महिन्यांत नवरात्री, दसरा, मिलाद उन नबी, दीपावली, छठ पूजा, गुरु नानक देव जयंती आणि ख्रिसमससारखे सण आहेत. या सणांच्या काळात गरीब जनतेवर अतिरिक्त आर्थिक ताण पडू नये म्हणून सरकारने ही योजना तीन महिन्यांनी वाढवण्याचा निर्णय घेतला आहे.  मंत्रिमंडळाच्या निर्णयानंतर खुद्द पंतप्रधान नरेंद्र मोदी यांनी ट्विट केले आहे की, या निर्णयामुळे सणांच्या काळात देशातील करोडो लोकांना फायदा होणार आहे.